PAMMUJI 128 - KITTA' MATANGKASA'

Barakka' mae ri pakkalabinianga

¹ Kelong siara. Mate'nei tau mappilangngeria siagang attallasaka situru' parentaNa Allata'ala.

² Langnganreko battu ri wassele' jama-jamannu, attallasa' kala'biang siagang salewangang.

³ Bainennu sanrapangi poko' anggoro' copponga lalang balla'nu. Ana'-ana'nu sanrapangi cu'la'na poko' zaitun ri tammulilina mejang pangnganreannu.

⁴ Kammaminjo bateNa Batara ambarakkaki tau mappilangngeria.

⁵ Poro battu ri Sion Batara ambarakkakiko. Poro nuciniki kacopponganna Yerusalem lalang sikontu tallasa'nu!

⁶ Poro la'bu lalo umuru'nu, na nucini' ana'-cucunnu! Poro salewangang ummatTa!