PAMMUJI 127 - KITTA' MATANGKASA'

Mammuji ri kabajikanNa Allata'ala

¹ Kelong battu ri Salomo. Punna teai Batara ambangung balla', sia-siaji tukang-tukanga anjama. Punna teai Batara anjagaiki', sia-siaji sikamma pangawalaka a'jaga.

² Tena matu-matunna anjama battalaka a'boya dalle', ambangung bari'basa' siagang attinro lantang bangngi; saba' Napasadiai Batara untu' tau Nakamaseanga, lalang attinrona ke'nanga.

³ Ana'-anaka passareNa Allata'ala, sikontutojenna, anjo ke'nanga passare.

⁴ Ana'-ana' bura'nea nigappaya ri wattu rungka sanrapang ana' pana ri limanna tu barania.

⁵ Mate'nei tau niaka parsadiaanna pana-pana kammaya anjo! Tena nalanibeta, wattunna nadallekang musua ri pangadelanga.