PAMMUJI 126 - KITTA' MATANGKASA'

Pappala' doang untu' nilappassang

¹ Kelong siara. Ri wattunna Napammole Batara lampa-lampana Yerusalem, sangkammaki' tau asso'na!

² Tulusu' ammakkalakki' siagang akkelong rannu sa'genna nakana bansa-bansaya, “Nagaukammi Batara gau'-gau' hebaka mae ri ke'nanga!”

³ Memang Nagaukammi Batara gau'-gau' hebaka untu' ikatte! Iaminjo saba'na kirannu!

⁴ O, Batara, pammollei katallassanna ikambe, sanrapang binanga kalotoro' kaboneang pole je'ne' ri wattu bosina.

⁵ Poro appakioroka nangngarru' tommo, akkattoi siagang akkio' rannu.

⁶ A'lampai taua appakioro' bine ri kokonna, nampa ammatti' tommo je'ne' matanna. Lammotereki akkelong rannu angngerang erang pole kattoanna.