PAMMUJI 123 - KITTA' MATANGKASA'

Pala' doang appala' pangngamaseang mae ri Batara

¹ Kelong siara. Acconga' a'dalle' nai' mae ri Katte o, Batara ammarentaya ri suruga.

² Sanrapang sitau ata ta'gentunga tallasa'na ri karaenna, siagang sitau ata baine mae ri karaeng bainena, kammaminjo batena attayang ikambe, o, Batara, Allata'alana ikambe, sa'genna Kikamaseang ikambe.

³ Kikamaseangi ikambe, o, Batara, Kikamaseangi ikambe, saba' pinjai dudumi nihina ikambe.

⁴ Sukku'mi batena ikambe nicau-cau ri tukalumanynyanga, siagang nitoa-toai ri tau borroa.