PAMMUJI 121 - KITTA' MATANGKASA'

Batara anjagaiki'

¹ Kelong siara. Accinika' mae ri moncong-monconga, battu kemae labattu pannulungku?

² Pannulungku iamintu battu ri Batara ampa'jariai langika siagang linoa.

³ Tena nalaNabalang parekangko tu'guru', tuli Najagaiko pajaganu.

⁴ Sikontutojenna, anjo pajagana Israel tale'bakai ta'do'do' yareka attinro.

⁵ Batara lanjagaiko, niaki ri sa'rinnu untu' anjagaiko.

⁶ Tena nulagarring lanri mataallo ri wattu singara', yareka lanri bulang ri wattu bangngi.

⁷ LaNajagaiko Batara battu ri bahayaya, laNajagaiko sollanna salama' tallasa'nu.

⁸ Ia anjagaiko ri wattu battunu siagang a'lampanu, anne kamma siagang satunggu-tungguna.