PAMMUJI 120 - KITTA' MATANGKASA'

Pala' doang appala' pannulung

¹ Kelong siara. Lalang kasusaangku akkioka' mae ri Batara, na Napialia'.

² O, Batara, pasalamaka' battu ri paballe-ballea siagang patipua.

³ He patipu, apa laNagaukang Allata'ala mae ri kau? Apa laNahukkungangko?

⁴ Iamintu ana' pana cidu'na sitaua tubarani, siagang bara pepe' a'rinra-rinraya!

⁵ Cilakama' inakke lanri musti attallasakka' siagang ikau; tena simmaraenna ammantang ri Mesekh, yareka ri alla'na tu Kedar.

⁶ Sukku'mi sallona kusa'ring ammantang siagang tau tenaya nangai passiamakkanga.

⁷ Punna kubicara passala'na passiamakkanga, pa'bundukang nakaeroki ke'nanga.