PAMMUJI 114 - KITTA' MATANGKASA'

Kelong Paska

¹ Ri wattunna assulu' bansa Israel battu ri Mesir, wattunna nabokoi turunganna Yakub pa'rasangang maraenga,

² Napa'jari Batara anjo Yehuda tampa' matangkasa'Na, Israel Napa'jari daera kakoasanNa.

³ Niciniki ri Tamparang Alara' nampa a'lampa, ammari Binanga Yordan a'lo'loro'.

⁴ A'lumpa'-lumpaki monconga sanrapang bembe, ammondo'-mondoki bulu'-buluka sanrapang ana' gimbala'.

⁵ Apa kutadeng, he tamparang, nanulari, siagang Binanga Yordan nummari a'lo'loro'?

⁶ Apa saba'na nanu'lumpa'-lumpa' he moncong-monconga, siagang ammondo'-mondo' he bulu'-buluka?

⁷ He butta, annekkerekko ri dallekanNa Batara, ri dallekanNa Allata'alana Yakub,

⁸ ampinrayai batu karanga a'jari kollang je'ne', siagang moncong batua a'jari timbuseng je'ne'.