PAMMUJI 113 - KITTA' MATANGKASA'

Pammuji mae ri kabajikanNa Batara

¹ Pujimi Batara! He ata-atanNa Batara, pujimi arenNa Batara!

² ArenNa lanipa'la'bangi, anne kamma na satunggu-tungguna.

³ Battu raya sa'genna kalau' arenNa Batara musti nipuji.

⁴ Makoasai Batara mae ri sikontu bansaya, rateanna langika kalompoanNa.

⁵ Inai sangkammanna Karaeng Allata'alata? Ia ammempo ri empoang kala'birang ri tampa' tinggia.

⁶ Mingka a'dundumi naung untu' anciniki langika siagang buttaya.

⁷ Naangkaki tu kasi-asia battu ri limbu'buka, siagang tu kasi-asi dudua battu ri aua.

⁸ Napaempoi ke'nanga siagang sikamma pamarentaya, siagang sikamma bija karaenga battu ri umma'Na.

⁹ Nasarei ana' sikamma baine tamananga, napa'jari amma' mate'ne siagang nipakalompo ri balla'na. Pujimi Batara!