PAMMUJI 110 - KITTA' MATANGKASA'

Batara siagang karaeng NapileNa

¹ Pammujina Daud. Nakana Batara ri karaengku, “Ammempoko ri sa'ri kanangKu, sa'genna Kupatundu' ngaseng sikamma musunnu.”

² Battu ri Sion laNapa'la'ba Batara kakaraenganNa; makoasa mako mae ri musu-musunnu!

³ Ri allo battunu siagang koasa, ri bulu' matangkasa' ra'ya'nu maju siagang pa'mai' rella. Sanrapang saliu' ri bari'basaka, sikamma tau rungkaya battu mae ri kau.

⁴ Assumpai Batara a'janji, tena nalaNakaluppai, Nakana, “Ikaumi imang satunggu-tungguna, sanrapang Melkisedek.”

⁵ Niaki Batara ri sa'ri kanannu, punna larroi, Nabetai sikontu karaenga.

⁶ LaNahukkungi bansa-bansaya, sa'genna tassiara' maya'na ngaseng. Lapapossoki sikamma tukoasaya ri sikontu linoa.

⁷ Langnginungi karaenga battu ri binanga biring aganga, ri le'ba'namo nipakagassing, ammetami.