PAMMUJI 11 - KITTA' MATANGKASA'

Batara tampa' pa'la'langngang

¹ Untu' pamimping pakelong. Pammujina Daud. Ma'la'langa' ri Batara; tena matu-matunna makkana ri nakke, “Pasalamaki kalennu sanrapang jangang-jangang anri'baka mange ri moncong.

² Saba' tu ja'dalaka napabantammi anrong panana na napataba ana' panana untu' napabuccu' battu ri tampa' sassanga mange ri tau lambusuka.

³ Punna panra'mo atoranna katallassang tau jaia, tenamo pakkullena tau bajika.”

⁴ Batara niaki ri Balla' matangkasa'Na, empoang kala'biranNa niaki ri suruga. Najannangngi umma' rupataua na Naasseng sikontu panggaukanna ke'nanga.

⁵ Naso'ri Batara tu bajika siagang tu ja'dalaka, Nakabirisi tu nangaia katerassanga.

⁶ Nahukkungi tu ja'dalaka siagang bala lompo, siagang pepe', batu a'rinra siagang anging appakamutunga.

⁷ Saba' Batara bajiki na adele' Nakamaseangi tau a'gau' bajika; tau lambusuka laNaciniki siagang laNaassengi Batara.