PAMMUJI 100 - KITTA' MATANGKASA'

Lagu pammuji

¹ Pammuji untu' koro'bang sukkuru'. Akkio' rannuko mae ri Batara, he sikontu lino!

² Gaukangi ibadanu mae ri Batara siagang rannu, battuko mandallekang ri Ia siagang kelong ma'reja-reja!

³ U'rangi angkanaya anjo Karaeng Allata'ala. Ia ampa'jariki' siagang Ia ampatangki'; ikatte umma'Na, bansa Naparakaia.

⁴ Antama' mako battu ri pakke'bu' lompona siagang kelong sukkuru', antama' ri balla' luara'na siagang lagu pammuji-muji. Sukkurukko mae ri Ia siagang pujimi!

⁵ Saba' bajiki Batara; sa'genna satunggu-tungguna pangngamaseanNa, nyawa tamamminraNa sa'genna sikontu turungang.