PAMMUJI 1 - KITTA' MATANGKASA'

KITTA' MAKASE'RE: PAMMUJI 1–41 Kate'neang sitojennaya

¹ Mate'nei taua tenaya namminawang ri ero' tu ja'dalaka, tenaya namannuruki ri tu dorakaya na tenaya nasileo' siagang tu ampakatunayai Allata'ala,

² mingka masarro nangai anggaukangi parentaNa Batara nanawa-nawa allo bangngi.

³ Tau kammaya lamanggappa wassele' ri sikontu usahana; rapangi poko' kayu ri biring binanga a'rappoi punna narapi' wattu pa'rappoang tale'baka kalumeng leko'na.

⁴ Ta'bale'na ri tu ja'dalaka: rapangi awang niri'bakang ri anging.

⁵ Tu ja'dalaka lanihukkungi ri Allata'ala, hakinna nisa'la' battu ri umma'Na.

⁶ Saba' tu mannurukia niului siagang nijagai ri Batara, mingka tu ja'dalaka mangngolo mange ri possoka.