AYUB 25 - KITTA' MATANGKASA'

Bildad

^1-2 Appialimi Bildad angkana, “Anjo Allata'ala sanna' makoasana; sikontu taua musti malla' ngasengi ri dallekanNa; Iami angkatutui kasiamakkanga lalang ri kakaraenganNa ri suruga.

³ Maka akkullei nirekeng jaina malaeka' allayaniai? Maka nia' tampa' tanisingaria ri singara'Na?

⁴ Maka akkullei rupataua tangkasa' ri paccini'Na Allata'ala? Maka akkullei ti'no' ri matanNa?

⁵ Untu' Allata'ala, ba'lalo bulanga tena todong nasingara', na bintoenga Nakana tongi kallangngang.

⁶ La'biangampa rupataua, lapung gallang-gallang, lapung kaluara! Tena tojeng anggaranna ri paccini'Na Allata'ala.”