१ थेसलोनिकि 1 - माझी1 पावल, सिलास र तिमोथिबान परमेसोर ब्वा र पर्भु येसु खिरिस्टलाइ बिस्वास गर्नाराइ थेसलोनिके सहरनाइ हक्ल मन्डलिलाइ सेवाढोग। परमेसोरबान तोराल्काइ अनुगरह र सान्ति हक्दिक। थेसलोनिकेकराइ मान्छेल्को बिस्वास 2 हाइ तोरा सेब्बाल्को लागि सदइ परमेसोरलाइ धन्नेबाद दिछे र हाम्रो पार्थनानाइ तोराल्काइ सदइ सम्जिछे। 3 हाम्रो पर्भु येसु खिरिस्टनाइ तोराल्को बिस्वासकर काम, मयाकर काम र आसाकर धइरे सदइ हाम्रो परमेसोर ब्वाकर अगाडि सम्जिछे। 4 दाजि-भाइ हो, परमेसोरिन ने तोराल्काइ मया गरिके छान्ल हो बाजिके हाइलाइ था आछ। 5 किनारइभने हाइनिन तोराल्कोनाइ आन्ल सुसमचार सब्दनाइ मात्र बया, तर सक्तिनाइ, पबित्र आत्मानाइ र पुरा बिस्वाससाथ आइल हो। हाइ तोराल्कोसिन हक्तिन तोराल्को लागि हाइनिन किन्खा जिबन बिताइलाइ रइले, ह्व तोराल्काइ था रोइस्या। 6 तोराल्किन पर्भुकर र हाम्रो देखासिकि गर्लो, किनारइभने तोराल्किन धेरे सतावटनाइ पुनि पबित्र आत्मान दिल बचन आनन्दसाथ सुइकार गर्लो। 7 इनिखे तोरा माकेडोनिया र अखइयानाइ हक्लाइ सेब्बाइ बिस्वासिल्को लागि एक उदारन बन्लाछो। 8 किनारइभने पर्भुकर बचन तोरा मार्फत माकेडोनिया र अखइयानाइ मात्र बया, तर परमेसोरनाइ गर्ल तोराल्को बिस्वास सेब्बे ठउँनाइ फिजिलाछि, हेक्र बारेनाइ हाइनिन आने केइ बलइ आबस्यक बइने। 9 हाइ तोराल्कोनाइ आइतिन तोराल्किन हाम्रो किनिखे स्वागत गर्लो, र मुर्तिल्काइ पुजा गरइ छाडिके जिउँते र साँचो परमेसोरकर सेवा गरइ किनिखे आइलो, ह्व कुरो ता मान्छेल्किन ने बाज्छत। 10 अनि परमेसोरकर बेटाक येसुलाइ परमेसोरिन मर्लबान जिउँते पारल्ते, र ह्व स्वर्गबान आइनारआछ बाजिके तोरा अस्याइधर्लाछो। होइनिन हाइलाइ आइ लाग्ल परमेसोरकर दन्डबान बाचाइछइ। |
© 2024 (Active), Mother Tongue Translators Society and Wycliffe Bible Translators, Inc. All rights reserved.
Wycliffe Bible Translators, Inc.