Xo̱jo̱n Salmoo̱ 99 - Xo̱jo̱n eén Néná

Jmíjín ingo xi xikoó Néná

¹ ¡Néná boá xi botixómá! ¡Ngatjatsié má ngayeje xota̱ na̱xi̱ńdaá! Kuí boá xi botixómá ngi̱jii̱n keruu̱b! ¡Ngatjatsié ngayeje tꞌanangii̱!

² Néná achichí ngaꞌniú tjiín ki̱a̱ na̱xi̱ńdáꞌniú Sioo̱n, kó tsꞌéntsjaà ngayeje nangi xi tjiín.

³ ¡Ngayeje xotaa̱ xi ngatsꞌèntsjaà jaꞌén jèe̱, ko̱jo jaꞌén xí yandikóo̱n, ¡Tsjie boá Néná!

⁴ Ngaꞌniú xí tjiín Ree̱, ki̱a̱ yaꞌanii̱ kjo̱a̱kixi̱i̱. Jí boá xi ikꞌíjñí ji ni xi ngo ndséje̱e̱n, jí boá xi kjo̱a̱kixi̱i̱ kiniꞌínkjìn jí, kjiꞌanga akatíjée̱ xota̱ tji̱e̱e̱ Jakoo̱b.

⁵ ¡Ti̱ꞌantsjàjnúu̱ Néná! Kó ki̱a̱ ti̱ndyiaxtiénjnú ki̱a̱ ngindie se kui. ¡Tsjie boá Néná!

⁶ Moisee̱ ko̱jo Aaroo̱n boá xi kamá chináꞌmii̱, kó Samuee̱ boá xi katsꞌénkaxoma jaꞌeén, kó kui jaá, tsíchji̱a̱a̱ Néná, kó Néná katsꞌénseén.

⁷ Néná ngi̱jii̱n ngo ṉdi̱ tsíchji̱a̱joni, kó kui jaá, katsꞌénkjatjosón ni xi katsó Néná, ko̱jo ni xi kjitꞌa kjo̱a̱botíxoma xi katsjaá.

⁸ Ji Ne, ji xi Nejne̱ ji̱n, Jí má bo̱a̱ xi kiniꞌínsée̱n, kó jí boá xi ngo Ne xi tsꞌénjétakón kamá ji kjo̱a̱a̱ kui xotaa̱, ta̱nga ti̱ akatíjéríi̱ kjo̱a̱a̱ jé xí katsꞌén nga.

⁹ ¡Ti̱ꞌantsjàjnúu̱ Néná! ¡Kó ti̱ndyiaxtiénjnú ki̱a̱ xtji̱e̱e̱n nínga tikón na̱xi̱ ndikoón, ngatꞌa̱ tsjie boá Néná!