Xo̱jo̱n Salmoo̱ 93 - Xo̱jo̱n eén Néná

Néná boá xi re

¹ ¡Néná boá xi tsꞌénbotixómá, kó jè yajá ńjñoo̱ re! Néná tsajá ńjñoo̱, kó tsꞌénbokó ngaꞌniuú. Jè ꞌniú tikón kui nga̱sondiee̱, kó ka̱matíyájiín.

² Ngi̱ndie nínga botíxome ji tikón ndeskande kó ngasꞌe̱, jí boá xi tindyin ji ngatsjéni̱xtjin.

³ Ji Ne, kamáje ndejeèꞌ, kó kandaꞌyaá nga janie ndáfoa tsiee̱, kó ngaꞌniuú ndáfoaa̱, kandaꞌyaá nga ꞌniú janie.

⁴ Néná ki̱a̱ nkꞌajmii̱, ¡tsie ngase ngaꞌniú tjiín, ta̱bo̱a̱jiín xikó tsꞌén fonie kjín ndáfoaa̱, ta̱bo̱a̱jiín nga fonie ngaꞌniuú ndáchíkoón!

⁵ Ji Ne, bo̱a̱ kjíꞌí ngayeje ni xi ndokjo̱e̱ ji. Kjo̱a̱tsjiee̱, kuí boá xi tsjaá kjo̱a̱tsjakjiꞌi Ndiꞌáa̱, ngatsjéni̱xtjin ko̱jo ta̱kjiꞌání.