Xo̱jo̱n Salmoo̱ 87 - Xo̱jo̱n eén Néná

Soó na̱xi̱ńdáꞌniú Jerusale̱n

Só xi nda na̱xko̱yá tsi̱ꞌe̱ soó Koree̱.

¹ Kuí boá xi iskjininkꞌa na̱xi̱ńdáꞌniuú ki̱a̱ nga̱són na̱xi̱ tsjiee̱.

² Achichí tjoó Néná nga̱ntjo̱a̱a̱ na̱xi̱ńdáꞌniú Sioo̱n, tjó ngasee̱ ta̱bo̱a̱jiín ndiꞌaa̱ xota̱ tji̱e̱e̱ Jakoo̱b.

³ Achichí tsjatsó ni xi ndokjo̱a̱ kjo̱a̱a̱ ji, ji na̱xi̱ńdáꞌniú xí tsi̱ꞌe̱ Néná.

⁴ Án boá xi sa̱ꞌinkaxoma an nangi Ejipto̱, ko̱jo nangi Babilonia̱, ngi̱jii̱n xota̱ na̱xi̱ńdá xí bena. Kó ki̱a̱ Filistea̱, ko̱jo Tiroo̱, ko̱jo Etiopiaa̱, ki̱a̱ katokjáni kui xotaa̱, kꞌuiín xi ki̱a̱ síndo.

⁵ Kó bi̱ ka̱tso̱ xota̱a̱ kjo̱a̱a̱ na̱xi̱ńdáꞌniú Sioo̱n: “¡Kui xi̱ꞌbi̱ ko̱jo kuí jàn, ki̱a̱ katokjáni!” Kó ti̱kuíní Néná xí ꞌniú ku̱i̱ꞌíjñá kui ngi̱ndiee̱.

⁶ Néná ku̱i̱ꞌíxki̱ kjiꞌanga ku̱i̱ꞌítꞌa jaꞌeén ngayeje na̱xi̱ńdaá, kó bi̱ ka̱tso̱: “Kui xi̱ꞌbi̱, kꞌi̱e̱ katsen kꞌi̱e̱e̱”».

⁷ Kósꞌe̱ kui xota̱ na̱xi̱ńdá xí siee̱ ko̱jo xi kjínkꞌatsjaa̱ bi̱ ka̱tso̱: «Kꞌi̱e̱ na̱xi̱ńdáꞌniú Jerusalee̱n nínga ndibánií kjo̱a̱ꞌnaxiéꞌájne̱».