Xo̱jo̱n Salmoo̱ 8 - Xo̱jo̱n eén Néná

Kjo̱a̱jee̱ Néná ko̱jo kjo̱a̱yandikoón xotaa̱

Só xi katsꞌénda Ndabii̱.

¹ Ji Ne, ji xi Ndi̱a̱jne̱, ¡achichí kjo̱a̱je tjiín jaꞌée̱n ngayeje són nga̱sondiee̱! ¡Jí boá xi ikꞌíjñí ji kjo̱a̱jèe̱ nga̱soón ndiꞌakꞌajmii̱!

² Kjo̱a̱a̱ xikótsꞌèn tsꞌéntsjaà jákjíndií ko̱jo ndíndaa̱, kuí boá kui nii̱ xi niꞌínkjìn jí nga ꞌbíchjée̱ kondra̱ tse̱, ¡tsi̱ꞌe̱ nga ko̱ókjo tsꞌoa kui, ko̱jo kui xi mongase nga sa̱ꞌíngojoo̱!

³ Kjiꞌanga kotsijen ndá ndáa̱ nkꞌajmii̱, ko̱jo saá, ko̱jo ńñoo, kui ni xi ji kiniꞌínde ji,

⁴ bi̱ xian an: «ꞌYání bo̱a̱ xota̱ nga̱sondiee̱, tsi̱ꞌe̱ nga kjo̱a̱ꞌátsjieen kui. ꞌYání bo̱a̱ xota̱ tji̱e̱e̱ Andaa̱n tsi̱ꞌe̱ nga xꞌi̱e̱xki̱ ji kui.»

⁵ Ngi̱chií má ngindie kiniꞌín ji xikoó ngo ne, kó katseꞌée̱ kjo̱a̱je, ko̱jo kjo̱a̱yandikón,

⁶ kuí boá xi katseꞌée̱ nga kui ko̱tíxomaa̱ ni xi kiniꞌínde ji ngayeje nii̱ xi ikꞌínde ji ngi̱ndie se, xikoó:

⁷ cho̱tsa̱nga̱a̱ ko̱jo cho̱yojoo̱, ko̱jo ngayeje cho̱ xi tjín ngi̱jin kꞌijñaá,

⁸ ko̱jo cho̱ xi tjiín tsja̱nga̱a̱ xi tjín nkꞌa jàn, ko̱jo cho̱ xi tjín ngi̱jin ndaá, ¡ko̱jo ngayeje cho̱ xi tsꞌéntíyà xi tjín nínga ꞌniú na̱nga̱a̱ ndáchíkoón!

⁹ Ji Ne, ji xi Ndi̱a̱jne̱, ¡achichí kjo̱a̱je tjiín jaꞌée̱n ngayeje són nga̱sondiee̱!