Xo̱jo̱n Salmoo̱ 70 - Xo̱jo̱n eén Néná

¡Tsá ndibékasíke̱jení!

Só xi katsꞌénda Ndabii̱.

¹ Ji Ne, ¡ja̱bíꞌna̱xiéꞌéní! ¡Tsá ndibékasíke̱jení Ne!

² ¡Ngateꞌeé kjo̱a̱soboá ko̱jo ni̱ma̱kjo̱a̱ nga niꞌán, kui xota̱ xi an mejeén nga an sa̱ꞌínkꞌiénna! ¡Ngatꞌieé kjo̱a̱soboá, ko̱jo ngatamatsobéjii̱n kui xota̱ xi mejeén nga ni xi ndajín ka̱mana!

³ ¡Nga̱xto̱n ngatjíni, kó kui nii̱ xi nga ngatama chjií, kui xota̱ xi chꞌo tsóna nga: éa éa, tsó!

⁴ Ta̱nga tsjangatamaa̱, kó tsjangatꞌieé kjo̱a̱a̱ ji, ngayeje xota̱ xi ji ndyi̱mongasee̱. Kó kui xota̱ xi mejeén kjo̱a̱ꞌnaxiéꞌáa̱, ngatsjéni̱xtjin nga bi̱ nga tsó: ¡Ngatꞌieé kjo̱a̱je Néná!

⁵ Ta̱nga an achichí ndasen ko̱jo ni̱ma̱ tsꞌén tikón an. ¡Ji Ne, tsá ndibéchin chiíní! ¡Jí boá xi bosíke̱jení, ko̱jo xi kiniꞌíndéní! Ji Ne, ¡tsá ndibé chií!