Xo̱jo̱n Salmoo̱ 67 - Xo̱jo̱n eén Néná

Ngayeje na̱xi̱ńdaá ngatsꞌéndíkón Néná

¹ Néná ngatamani̱ma̱a̱ ji̱n, kó ngatsꞌénchíkonñéjne̱. Ndiꞌí xí tjiín kje̱n ngatsꞌéntsíjen ꞌna̱ ꞌna̱jne̱.

² Tsi̱ꞌe̱ nga ngayeje tꞌanangii̱ xcha̱ ndi̱yàa̱, ko̱jo nga xcha̱ kjo̱a̱ꞌnaxiéꞌáa̱ ngi̱jii̱n ngayeje na̱xi̱ńdá.

³ ¡Ngatsꞌèntsjaà ngayeje xota̱ na̱xi̱ńdaá ji Ne! ¡Ngayeje xota̱ na̱xi̱ńdaá ngatsꞌèntsjaà!

⁴ ¡Tsja ngatamajnú, kó tsjatsꞌèn ndajnú jún ngayeje xota̱ na̱xi̱ńdá! Ngatꞌa̱ jí boá xi kixi̱ ko̱ti̱xomée̱ xota̱ na̱xi̱ńdaá. ¡Kó jí boá xi ko̱kée̱ ndi̱yà xota̱ nga̱sondiee̱!

⁵ ¡Ngatsꞌèntsjaà ngayeje xota̱ na̱xi̱ńdaá ji Ne! ¡Ngayeje xota̱ na̱xi̱ńdaá ngatsꞌèntsjaà!

⁶ Tꞌanangii̱ jè katsjá ni xi kamáxchaá, kó Néná boá xi sa̱ꞌínchikonñéná.

⁷ ¡Néná ngatsꞌénchíkonñéná, kó ngatamayandikón ngaskande nínga fetꞌanii̱ tꞌanangii̱!