Xo̱jo̱n Salmoo̱ 53 - Xo̱jo̱n eén Néná

Xota̱ xi ndajiín tsꞌenchꞌó Néná

Só xi katsꞌénda Ndabii̱.

¹ Xota̱ xi kitikjo̱a̱a̱ bi̱ tsó ngi̱jin ini̱ma̱a̱: «Jmíjín Néná». Xota̱ xi je jatson boá, kó ni xi ndajín boá xi tsꞌén, ¡nde ngojín xi ni xi nda tsꞌén!

² Néná, ndeskande nkꞌajmii̱, kotsijee̱n xota̱ nga̱sondiee̱, tsi̱ꞌe̱ nga sku̱i̱e̱ tsi tjín xí ka̱makjiín, ko̱jo tsi tjín xí mejeén ko̱ngase Néná.

³ Ta̱nga ngayeje xotaa̱ nga je katsꞌénkjii̱n yojoo̱ Néná, ngayeje xotaa̱ nga je jatson, jmíjín xi tsꞌén ni xi ndaa̱, nde ngojín.

⁴ Kui xota̱ xi ndyi̱tsꞌèn ni xi ꞌniú ndajiín, a bejín nga xota̱ na̱xi̱ńdána ndyi̱kjiniejon xikó maá tsi pan xi ndyi̱kjinie, kó a bejín nga jmí tsi ndyi̱mongase Néná,

⁵ achichí katsakjónní ki̱a̱ nínga jmí nijín xi ka̱ma ko̱nda̱konní, ngatꞌa̱ Néná atítsojoboa ńdaa̱ xota̱ xi kjo̱a̱xchán sa̱ꞌínjoo̱ ji. ¡Jí boá xi katseꞌée̱ kjo̱a̱soboá ngatꞌa̱ Néná boá xi katsꞌénchꞌó!

⁶ ¡ꞌYá xí ka̱maa̱ tsi sa̱ngíyá ndeskande ki̱a̱ tji̱ngi̱ Sioo̱n, xi kꞌo̱xiéꞌá na̱xi̱ńdá Israee̱l katsaki! ¡Kjiꞌanga Néná sa̱ꞌínkjindibáꞌóyá nginí xota̱ na̱xi̱ńdaá ngije kamándé! ¡Tsjangatamaa̱ xota̱ tji̱e̱e̱ Jakoo̱b, tsjangatꞌieé xota̱ Israee̱l!