Xo̱jo̱n Salmoo̱ 47 - Xo̱jo̱n eén Néná

Néná kuí boá xi Ree̱ ngayeje nga̱sondiee̱

Só xi katsꞌénda xota̱ ngo ndiꞌaa̱ Koree̱.

¹ ¡Ti̱ꞌantsꞌénjnú ndsa̱jnú ngayeje jún xota̱ na̱xi̱ńdá, kó ti̱ꞌantsjàjnúu̱ Néná nga xchaꞌayàtsjájnú!

² ¡Ngatꞌa̱ Néná xí tikón nkꞌajmi jàn achichí yandikón, kuí boá ngo re xi je xi tsi̱ꞌe̱ ngayeje nga̱sondiee̱!

³ Kuí boá xi sa̱ꞌín nga ñá kotixomáa̱ ngayeje nangii̱, kuí boá xi ku̱i̱ꞌíndo ngayeje na̱xi̱ńdaá ngindie ndsa̱kó.

⁴ Kuí boá xi jaꞌájin tꞌanangi xi katsjáná ñá, ngatꞌa̱ kuí boá kui tꞌanangii̱ xi kjo̱a̱jee̱ Jakoo̱b, kui nda̱ xi Néná tjó kamaá.

⁵ Néná kijínijíngí ngi̱ndie ndikoón nga ndyi̱kjandayà tsjá xotaa̱, ko̱jo nga kjifonie tjioo̱.

⁶ ¡Ndàjnúu̱ Néná, ndàjnúu̱! ¡Ndàjnúu̱ Rená, ndàjnúu̱!

⁷ ¡Ngatꞌa̱ Néná kuí boá xi Ree̱ ngayeje nga̱sondiee̱, ngatꞌiéjnú kjo̱a̱kjíntakón nga ko̱ndájnúu̱!

⁸ Néná boá xi botixómá ngayeje na̱xi̱ńdaá. Néná ki̱a̱ ꞌbíjñasón yáxíríe̱ ndikoón.

⁹ Xota̱ ngito̱ko̱o̱ ngayeje na̱xi̱ńdaá kamátikó xikoó xota̱ na̱xi̱ńdaá Nee̱ Abraa̱n,

¹⁰ ngatꞌa̱ tsi̱ꞌe̱ Néná boá ni xi ꞌbíchjaá ni xi ndajín xi tjín nga̱sondiee̱. Achichí ꞌniú niꞌándikón Néná.