Xo̱jo̱n Salmoo̱ 29 - Xo̱jo̱n eén Néná

Ngaꞌniú xí tjiín nda̱a̱ Néná

Só xi katsꞌénda Ndabii̱.

¹ Cha̱ndikónjnú Néná, jún xi nkꞌajmii̱ ndyi̱niꞌánjnú xaá, te̱ꞌéjnúu̱ Néná kjo̱a̱je xi tsoboaá, ko̱jo kjo̱a̱a̱ ngaꞌniú xí tjiín.

² Te̱ꞌéjnúu̱ Néná kjo̱a̱je xi tsoboaá kjo̱a̱a̱ jaꞌeén, ti̱ꞌantsjàjnúu̱ Néná kjo̱a̱a̱ kjo̱a̱tsjakjiꞌii̱ tsjie xi tjiín.

³ Nda̱a̱ Néná ndaꞌyaá nga̱són ndáfoaa̱, fonie nda̱a̱ Néná xí tsi̱ꞌe̱ kjo̱a̱jee̱, xikó maá cho̱ꞌo̱n, Néná boá xi tikón ki̱a̱ nga̱són ndáchíkoón tiyaá.

⁴ Nda̱a̱ Néná achichí ꞌniú fonie. Nda̱a̱ Néná achichí kjo̱a̱jee̱ tjiín.

⁵ Nda̱a̱ Néná boá xi kjítꞌó yákoón, jo̱o̱n, Néná boá xi tsꞌénxi̱ yákón xi tjín na̱xi̱ Líbanoo̱.

⁶ Tsꞌénkjínkꞌá na̱xi̱ Líbanoo̱ xikó má tsꞌén kjínkꞌá ndií cho̱yojoo̱, kó ti̱ tsꞌénkjínkꞌá na̱xi̱ Sirioo̱n xikó maá ndií cho̱yojo toro̱ tamaá.

⁷ Nda̱a̱ Néná ndiꞌí ꞌbojmi.

⁸ Nda̱a̱ Néná ꞌbítsanieyá nangi kixií, ¡Néná boá xi ꞌbítsanieyá nangi kixí xi ꞌmí Kandee̱!

⁹ Nda̱a̱ Néná tsꞌénkíꞌé ndí ndi̱kꞌijñá chjo̱ón, kó tsꞌénkixó xka̱a̱ yá xí tjín ngi̱jin kꞌijñaá, kó ngayeje xi síndo na̱ngo̱xi̱i̱ tsꞌéntsjaà nga tsjaá kjo̱a̱je.

¹⁰ Néná boá xi botixómá nga boaꞌa stséꞌniuú, Néná boá xi ngo re xi botixómá ngatsjéni̱xtjin.

¹¹ Néná boá xi tsja̱á ngaꞌniú xota̱ na̱xi̱ńdaá, Néná boá xi sa̱ꞌínchikonñé xota̱ na̱xi̱ńdaá nga tsja̱á kjo̱a̱xioó.