Xo̱jo̱n Salmoo̱ 150 - Xo̱jo̱n eén Néná

Ti̱ꞌantsjàjnúu̱ Néná

¹ ¡Ti̱ꞌantsjàjnúu̱ Néná ki̱a̱ Ndiꞌandikoón! ¡Ti̱ꞌantsjàjnúu̱ nga ko̱e̱je̱ndikónjnú nkꞌajmii̱!

² ¡Ti̱ꞌantsjàjnúu̱ kjo̱a̱a̱ ngayeje ni yiꞌi xi je katsꞌén! ¡Ti̱ꞌantsjàjnúu̱ kjo̱a̱a̱ nga ta̱nisién tjiín kjo̱a̱je!

³ ¡Ti̱ꞌantsjàjnúu̱ nga si̱ꞌankjaniéjnú tjioo̱! ¡Ti̱ꞌantsjàjnúu̱ nga si̱ꞌankjaniéjnú salterioo̱ ko̱jo arpaa̱!

⁴ ¡Ti̱ꞌantsjàjnúu̱ nga si̱ꞌankjaniéjnú panderoo̱, ko̱jo nga xchíkji̱nkꞌatsjajnú! ¡Ti̱ꞌantsjàjnúu̱ nga si̱ꞌankjaniéjnú ńjní xí tjiín naxaá ko̱jo yána̱xo̱ xi foniee̱!

⁵ ¡Ti̱ꞌantsjàjnúu̱ nga si̱ꞌankjaniéjnú platiyo̱ xi ꞌniú foniee̱! ¡Ti̱ꞌantsjàjnúu̱ nga si̱ꞌankjaniéjnú platiyo̱ xi tsjatsꞌèn foniee̱!

⁶ ¡Ngayeje xi kjiendá kui nga̱sondiee̱, nga tsꞌéntsjaà Néná! ¡Bo̱a̱ kjiꞌi!