Xo̱jo̱n Salmoo̱ 15 - Xo̱jo̱n eén Néná

Ni xi chjién tsi̱ꞌe̱ nga Néná kꞌuijñájo̱ná

Só xi katsꞌénda Ndabii̱.

¹ Ji Ne, tꞌíyéní, ꞌyání xi ka̱ma kꞌuijñá ndiꞌandikóo̱n. ꞌYání xi ka̱ma kꞌuijñá na̱xi̱ ndikóo̱n.

² Ta̱kuítsí xota̱ xi tsꞌén ni xi kixi̱i̱, ko̱jo xi tsꞌénkjó ni xi ja̱koxi̱i̱, ko̱jo xi jmí kjo̱a̱ndiso chji̱a̱jín ngi̱jin ini̱ma̱a̱,

³ kui xi jmí xota̱ chji̱a̱taꞌinjín, kui xi jmí ni xi ndajín tsꞌénjo̱jín xota̱ xkjín, ko̱jo xi tsꞌénꞌónjiín xota̱ xi ngasee̱,

⁴ kui xi tsꞌenchꞌó xota̱ xi Néná tsꞌenchꞌó, ta̱nga bendikón xota̱ xi ndyi̱bendikón Néná, kui xi tsꞌénkjátjosón ni xi chji̱a̱, ndatsi ndajín fotjoo̱ ni xi tsꞌén,

⁵ kui xi jmí ndyi̱ko̱n foaꞌáchjíjín nga to̱n tsꞌénkíyà, ti̱nde jmí to̱n kjíbéjín tsi̱ꞌe̱ nga ndajín si̱ꞌanjo̱ ngo xota̱ xi jmí jéjiín. Kui xota̱ xi sa̱ꞌín ngayeje kui nii̱, ngatsjéni̱xtjin nga ꞌniú kꞌuijñá.