Xo̱jo̱n Salmoo̱ 149 - Xo̱jo̱n eén Néná

Jún xota̱ Israee̱l ti̱ꞌantsjàjnúu̱ Néná

¹ ¡Ndàjnúu̱ Néná só xi tja̱tsi̱e̱! ¡ꞌNiú ngandaꞌyaá nga si̱ꞌantsjaa̱, ki̱a̱ ngi̱jii̱n xota̱ na̱xi̱ńdá tsjiee̱!

² ¡Tsja ngatamaa̱ xota̱ Israee̱l, kjo̱a̱a̱ Kui xi katsꞌénda kui xotaa̱! ¡Tsja ngatꞌieé xota̱ na̱xi̱ńdáꞌniú Sioo̱n, kjo̱a̱a̱ Ree̱!

³ ¡Ti̱ꞌantsjàjnúu̱ Jaꞌeén kuí nga xchíkji̱nkꞌatsjajnú, kó ndàjnúu̱ nga si̱ꞌankjaniéjnúu̱ panderoo̱ ko̱jo arpaa̱!

⁴ Ngatꞌa̱ Néná achichí tjoó xota̱ na̱xi̱ńdaá, kó kjo̱a̱ꞌnaxiéꞌaá tsꞌénkjién nga tsjaá kjo̱a̱tsjakjiꞌi xota̱ xi ni̱ma̱kjo̱a̱ síndoo̱.

⁵ Tsja ngatamaa̱ xota̱ xi tsjiee̱ kjo̱a̱a̱ kjo̱a̱jee̱ Néná, kó tsja ngatamaa̱ nga si̱é ndeskande nga̱són ṉchan nínga kjiyojo.

⁶ Ngatsꞌèntsjaà Néná nga sa̱ꞌínkjién tsꞌoa, kó tsja xi kixi̱i̱ nga kjíbéní ki̱cha̱ndojó xi yojó ngajó ngaboaá,

⁷ tsi̱ꞌe̱ nga sa̱ꞌíngojo nga skjánjo̱ xotaa̱ na̱xi̱ńdaá, ko̱jo tsi̱ꞌe̱ nga sa̱ꞌinjeé xota̱ xi bejín Néná.

⁸ Ko̱jo tsi̱ꞌe̱ nga ki̱cha̱ ku̱i̱ꞌítꞌa tsja já ree̱, kó ńꞌniúki̱cha̱ ku̱i̱ꞌítaꞌniú xota̱xá xí botixómaá.

⁹ ¡Nga sa̱ꞌínkjatjosón kjo̱a̱botíjé xí sa̱ko̱ó kui xotaa̱, kuí boá kui nii̱ xi xcha̱ndikónní ngayeje xota̱ tsjiee̱ Néná! ¡Bo̱a̱ kjiꞌi!