Xo̱jo̱n Salmoo̱ 142 - Xo̱jo̱n eén Néná

Néná boá xi konna

Ndabii̱ katsꞌénda kui soó kjiꞌanga tsangaa̱ Sauu̱l, kósꞌe̱ ngo ti̱xa̱na̱xi̱ kijíkꞌíjñaꞌma.

¹ Ji Ne, jí boá xi ꞌniú tsꞌénchji̱a̱a̱, tsi̱ꞌe̱ nga ko̱si̱ke̱jení. Jí boá xi ꞌniú tsꞌénchji̱a̱a̱, tsi̱ꞌe̱ nga ni̱ma̱ ka̱maa̱ an.

^2-3 Kjiꞌanga ndasen tikòn an, jí xí xiyaa míkjo̱a̱a̱ nga ndasen tikòn an. Jè yé ji ni xi tsꞌen an. Tjín xí ndyi̱ꞌbíndona chja̱ya̱ nínga foaꞌa an.

⁴ Nda má tsitsíjin ji nga fojnína: ¡ta̱ꞌyajín xi tsꞌensénna! ¡Ta̱ꞌyajín xi kónna! ¡Ta̱ꞌyajín xi ndasen maa̱ an!

⁵ Ji Ne, jí boá xi ꞌniú tsꞌénmíꞌaá ko̱jo bi̱ tꞌíxiaán: «¡Jí boá xi tichínní! ¡Kꞌi̱e̱ kui nga̱sondiee̱ jí boá ngayeje ni xi tjínna!»

⁶ ¡Ti̱ꞌinsénní nga tsꞌénchji̱a̱a̱, ngatꞌa̱ jè ngiti̱ jmí ngaꞌniújínna! ¡ꞌNa̱xiéꞌéní ngi̱ya tsja kondra̱na, ngatꞌa̱ ꞌniú ngase tjiín ngaꞌniú, ta̱bo̱a̱jiín an!

⁷ ¡ꞌNa̱xiéjinní kuí kjo̱a̱ni̱ma̱ xi tsꞌénfoaꞌatio an, tsi̱ꞌe̱ nga ka̱ma sa̱ꞌintsjaá! Nga sku̱i̱e̱ xota̱ xi kixi̱i̱ nga nda tiniꞌínje̱ní, sꞌué má sa̱ꞌín.