Xo̱jo̱n Salmoo̱ 137 - Xo̱jo̱n eén Néná

Ngo só xi nda nangi xi tsa̱ñájín

¹ Kjiꞌanga kixindyionjne̱ nangi Babilonia̱, kui nangi xi kjinnii̱ na̱xi̱ńdájne̱, kamángájne̱ nga ki̱a̱ kixindyionjne̱ ki̱a̱ tꞌa ndejeèꞌ. ¡Nde kichikjo̱a̱jínjne̱, kó kichaꞌájne̱ kjiꞌanga jaꞌátsjienjne̱ na̱xi̱ńdáꞌniú Jerusale̱n!

² Ki̱a̱ tjiaa̱ yá xí maxchá ki̱a̱ tꞌa kui ndejeèꞌ, ki̱a̱ ikjienboaꞌajne̱ arpa̱jne̱.

³ Kó ti̱ kuii̱ jájún xi tsꞌaxiéjne̱ ki̱a̱ na̱xi̱ńdá Israee̱l, kui xi íniéjne̱ xá, tsíꞌájne̱ nga chjiéngá tsjakꞌuiéjne̱, ¡kamámejeén nga kandajne̱! ¡Kamámejeén nga kandajne̱ soó nangijne̱!

⁴ ¡Jmí ni̱xtjin ko̱ndàjne̱ só xi niꞌántsjánii̱ Néná nangii̱ kje̱ꞌe xota̱!

^5-6 ¡Na̱xi̱ńdá Jerusale̱n, na̱xi̱ńdáꞌniú Jerusale̱n! Tsi sa̱ꞌinchíyaá ji, ¡nga xíyà ndsa̱ án xi kixi̱i̱! ¡Ngatichá najén án tsi ta̱ngatꞌanii̱ nga tsjatjínna, sꞌe̱ ngiti̱ jijín sa̱ꞌinkjoó!

⁷ Ni̱xtjin nga ixóndó na̱xi̱ńdáꞌniú Jerusale̱n, xota̱ tji̱e̱e̱ Endoo̱n, bi̱ katsó nga askjandáyà: «¡Ti̱ꞌankjiejnú na̱xi̱ńdaá! ¡Ngiti̱ ingojín ni ꞌbíjñá ngasejnú xi tsi̱ꞌe̱ kui na̱xi̱ńdaá!» Ji Ne, ¡ngata̱ niꞌínchíyéjín ji nga askjandáyà kui xotaa̱!

⁸ Kjo̱chó ngo ni̱xtjin nga ji na̱xi̱ńdá Babilonia̱, ¡ti̱ bo̱a̱ ti̱ tsꞌén si̱ꞌankjiee nga! ¡Kó Néná sa̱ꞌínchikonñé kui xota̱ xi ti̱ bo̱a̱ tsꞌén ku̱i̱ꞌíchjií nga!

⁹ ¡Néná sa̱ꞌínchikonñé kui xota̱ xi stso̱ba̱ ndíi̱, ko̱jo sa̱ꞌínkijenꞌon nga ki̱a̱ ko̱tꞌa ndi̱jo̱ xoó!