Xo̱jo̱n Salmoo̱ 136 - Xo̱jo̱n eén NénáNéná ngatsjéni̱xtjin nga tjoó ñá 1 ¡Si̱ꞌantsjàa̱ Néná, ngatꞌa̱ nda xota̱! ¡Ngatꞌa̱ Néná ngatsjéni̱xtjin nga tjoó ji̱n! 2 Si̱ꞌantsjàa̱ kuí xi Nee̱ ngayeje ne xi tjiín. ¡Ngatꞌa̱ Néná ngatsjéni̱xtjin nga tjoó ji̱n! 3 Si̱ꞌantsjàa̱ kuí xi Ndi̱a̱a̱ ngayeje ndi̱a̱. ¡Ngatꞌa̱ Néná ngatsjéni̱xtjin nga tjoó ji̱n! 4 Ta̱kuítsí Néná xí tsꞌén ni yiꞌi xi fíndikónjne̱. ¡Ngatꞌa̱ Néná ngatsjéni̱xtjin nga tjoó ji̱n! 5 Néná boá xi katsꞌénda ngayeje nkꞌajmii̱ nga katsꞌénkjién kjo̱a̱kjíntakoón. ¡Ngatꞌa̱ Néná ngatsjéni̱xtjin nga tjoó ji̱n! 6 Kuí boá xi katsꞌéntiyá tꞌanangii̱ nga̱són ndáfoaa̱. ¡Ngatꞌa̱ Néná ngatsjéni̱xtjin nga tjoó ji̱n! 7 Kuí boá xi katsꞌénda nga jó ndiꞌí xí tsꞌentsíjenni nga̱sondiee̱. ¡Ngatꞌa̱ Néná ngatsjéni̱xtjin nga tjoó ji̱n! 8 Katsꞌénda tsꞌueé tsi̱ꞌe̱ nga kui xi sa̱ꞌíntsijen nga ni̱xtjii̱n. ¡Ngatꞌa̱ Néná ngatsjéni̱xtjin nga tjoó ji̱n! 9 Katsꞌénda saá, ko̱jo ńñoo tsi̱ꞌe̱ nga kui xi sa̱ꞌíntsijen nga jñoó. ¡Ngatꞌa̱ Néná ngatsjéni̱xtjin nga tjoó ji̱n! 10 Kuí boá xi katsꞌénꞌoón nga katsꞌénkꞌién ndí tjoón xota̱ Ejiptoo̱. ¡Ngatꞌa̱ Néná ngatsjéni̱xtjin nga tjoó ji̱n! 11 Kuí boá xi tsꞌaxié xota̱ Israee̱l ki̱a̱ nangi Ejiptoo̱. ¡Ngatꞌa̱ Néná ngatsjéni̱xtjin nga tjoó ji̱n! 12 Ki̱a̱ boá nínga akó ngaꞌniuú. ¡Ngatꞌa̱ Néná ngatsjéni̱xtjin nga tjoó ji̱n! 13 Jó tjín katsꞌén nga akjángá Ndáchíkón Inií. ¡Ngatꞌa̱ Néná ngatsjéni̱xtjin nga tjoó ji̱n! 14 Kó ngamasiee̱n ndáchíkoón katsꞌénkjaꞌayise xota̱ Israee̱l. ¡Ngatꞌa̱ Néná ngatsjéni̱xtjin nga tjoó ji̱n! 15 Kó ki̱a̱ katsꞌénkꞌién ngándá ki̱a̱ Ndáchíkón Inií nda̱ ree̱ ko̱jo jájuún. ¡Ngatꞌa̱ Néná ngatsjéni̱xtjin nga tjoó ji̱n! 16 Akoó ndi̱yà xota̱ Israee̱l ki̱a̱ nangi kixií. ¡Ngatꞌa̱ Néná ngatsjéni̱xtjin nga tjoó ji̱n! 17 Katsꞌeén nga askjanjo̱ re xi tjiín ngaꞌniuú. ¡Ngatꞌa̱ Néná ngatsjéni̱xtjin nga tjoó ji̱n! 18 Katsꞌénkꞌién re xi ꞌniú yandikoón. ¡Ngatꞌa̱ Néná ngatsjéni̱xtjin nga tjoó ji̱n! 19 Katsꞌénꞌoón Sijoo̱n, nda̱ ree̱ xi xota̱ Amoo̱r. ¡Ngatꞌa̱ Néná ngatsjéni̱xtjin nga tjoó ji̱n! 20 Katsꞌénꞌoón Oo̱j, nda̱ re xi chji̱a̱ni nangi Basaa̱n. ¡Ngatꞌa̱ Néná ngatsjéni̱xtjin nga tjoó ji̱n! 21 Katsꞌénkꞌasꞌiee̱n xota̱ na̱xi̱ńdaá tꞌanangii̱ kui já ree̱. ¡Ngatꞌa̱ Néná ngatsjéni̱xtjin nga tjoó ji̱n! 22 Kuí boá kui nii̱ xi íjñaá xota̱ Israee̱l. ¡Ngatꞌa̱ Néná ngatsjéni̱xtjin nga tjoó ji̱n! 23 Néná katsꞌénchíyájínjne̱, kjiꞌanga kamábe nga tjíniꞌánchajajne̱. ¡Ngatꞌa̱ Néná ngatsjéni̱xtjin nga tjoó ji̱n! 24 Kó kuí boá xi tsꞌaxiéꞌájne̱ ngi̱ya tsja kondra̱jne̱. ¡Ngatꞌa̱ Néná ngatsjéni̱xtjin nga tjoó ji̱n! 25 Kuí boá xi tsjaá nichinie ngayeje xi katsꞌénda kui. ¡Ngatꞌa̱ Néná ngatsjéni̱xtjin nga tjoó ji̱n! 26 ¡Si̱ꞌantsjàa̱ kui Ne xi tsi̱ꞌe̱ nkꞌajmii̱! ¡Ngatꞌa̱ Néná ngatsjéni̱xtjin nga tjoó ji̱n! |
© Sociedad Bíblica de México, A. C.
Nuevo Testamento en Mazateco de San Pedro Ixcatlán, Oaxaca, México © Sociedad Bíblica de México, A.C. 2014
Bible Society of Mexico