Xo̱jo̱n Salmoo̱ 133 - Xo̱jo̱n eén Néná

Nga ngo tjín ka̱má ngayeje ntsꞌié ko̱jo ndichjá

Só xi katsꞌénda Ndabii̱

¹ ¡Jmíjín ngo ni xi ꞌniú tsjákjiꞌi ngase, xikoó nga yà nga tsjatsꞌèn matikó ngayeje ntsꞌié ko̱jo ndichjá!

² Achichí tsjákjiꞌi nga yà kuí nii̱, bo̱a̱ fóyanii̱ xikó maá kui ndásíje̱n nda xi botiéjón to̱ko̱ já chináꞌmii̱, kui xi ndibajénni ndeskande to̱ko̱, kó fochó ngaskande se.

³ Achichí tsjákjiꞌi kui nii̱, xikó maá stsé xí bixó xtji̱e̱e̱n ta̱ꞌin, xi boaꞌa na̱xi̱ Ermoo̱n, kui xi fochó ngaskande Jerusalee̱n, xtji̱e̱e̱n na̱ngi. Ngatꞌa̱ ki̱a̱ boá nínga Néná tsangiya kjo̱a̱niꞌánchikonñé, ko̱jo kjo̱a̱mindyion ngatsjéni̱xtjin.