Xo̱jo̱n Salmoo̱ 131 - Xo̱jo̱n eén Néná

Xió tikón an ngatꞌa̱ Néná boá xi kjimaꞌniáko̱n an

Só xi katsꞌénda Ndabii̱.

¹ Ji Ne, jejín ngase ꞌboxié an yojona, ta̱bo̱a̱jiín kje̱ꞌe xota̱, ti̱nde jmíjín xi chꞌo mana nga koaꞌa an, nde chiíjín nkꞌakon ꞌboxié an yojona, ti̱nde jmí tsi ni xi fíndikónná xí mejénna sa̱ꞌin an, ngatꞌa̱ ka̱májínna nga kui nii̱ sa̱ꞌin an.

² Ta̱sá xió tikón an, tikón xió xió an, xikó má tsꞌén niꞌánkꞌíxió ngo ndí kjiꞌanga na̱aa̱n tsjaá chiki. ¡Achichí xió tikón an xikoó ngo ndí xí je katsꞌe ndáchíkí!

³ Jún xota̱ na̱xi̱ńdá Israee̱l, ¡ngi̱ya tsja Néná tꞌíjñájnú kjo̱a̱chiyájnú ngotꞌe̱ ko̱jo ngatsjéni̱xtjin!