Xo̱jo̱n Salmoo̱ 130 - Xo̱jo̱n eén Néná

Ngi̱ya tsja Néná tikón kjo̱a̱chiyáná

¹ Ji Ne, an tsꞌénchji̱a̱a̱ ngatꞌa̱ achichí nda̱ kjimana.

² ¡Ndaꞌyéní, ji Ne! ¡Tasínijìi̱n kjo̱a̱chaꞌána nga tsꞌénmíꞌaá kjo̱a̱ni̱ma̱takón!

³ Tsi xꞌi̱e̱xki̱ ji ngayeje jéjne̱, nde ngojín xi ka̱maa̱ kjo̱chó ngindyikin ji.

⁴ Ta̱nga ji niꞌínjetakínjne̱. ¡Kuíni nga tsoboaá nga ji̱n si̱ꞌandikónjne̱!

⁵ Ngi̱ya tsja Néná tikón kjo̱a̱chiyána, ngayejení ini̱ma̱na nga kjimaꞌniátakón an, ngatꞌa̱ sꞌijinná ni xi katsóyàtjón nga sa̱ꞌín.

⁶ Achichí ni xi kjimana nga tsꞌénkoyàa̱ Néná, ¡ꞌniú ngase tsꞌénkoyàa̱, ta̱bo̱a̱jiín nga koyaa̱ nga sisi̱eén kui xota̱ xi kondaa̱! Xota̱ xi kondaa̱ koyaa̱ nga si̱si̱eén,

⁷ kó jí, na̱xi̱ńdá Israee̱l, tichiyée̱ nga kjo̱e̱ꞌe Néná, ngatꞌa̱ kuí boá xi tjoó ñá, kó tsjáná kjo̱a̱ndéná.

⁸ ¡Néná boá xi kꞌo̱xiéꞌá na̱xi̱ńdá Israee̱l kjo̱a̱a̱ ngayeje jé xi katsꞌén!