Xo̱jo̱n Salmoo̱ 13 - Xo̱jo̱n eén Néná

Tsitsíjinní, kó ndokjo̱e̱jení

Só xi katsꞌénda Ndabii̱.

¹ Ngaskande kjiꞌání ji Ne. Ngaskande kjiꞌání nga kꞌuiꞌmíní kje̱n ji. A jè ngatsjéni̱xtjin si̱ꞌinchíyení.

² Ngaskande kjiꞌání nga nda̱ ka̱mana, ko̱jo nga ndyiojón ndyiojón ndasen ka̱maa̱ ini̱ma̱na. Ngaskande kjiꞌání nga to̱kó kondra̱na xi ko̱tíxomana.

³ Chꞌi̱e̱xki̱ní, kó ti̱ꞌinsénní jí Ne xi tsa̱ꞌa̱n, te̱ꞌéndièní nga skuié an ni xi kjima, tsi̱ꞌe̱ nga ko̱yàjín an,

⁴ kósꞌe̱ kondra̱na, bo̱a̱jín ka̱tso̱ nga kuí boá xi je katsꞌénna, ti̱nde tsjajínngatamaa̱ tsi sti̱ngí an.

⁵ Ngatꞌa̱ an, kjo̱a̱ni̱ma̱takóo̱n boá xi kjimaꞌniáko̱n an, kó ini̱ma̱na achichí tsjá ka̱maa̱ kjo̱a̱a̱ kjo̱a̱ꞌnaxiéꞌáa̱.

⁶ ¡Néná boá xi sièe̱ só xi ndaa, ngatꞌa̱ achichí ni nda xi katsjána!