Xo̱jo̱n Salmoo̱ 129 - Xo̱jo̱n eén Néná

Kixi̱ boá Néná

¹ Ko̱e̱ꞌéndièe̱ nga xota̱jne̱ ku̱i̱chji̱a̱jojne̱ kjo̱a̱a̱ kjo̱a̱ni̱ma̱ xi jaꞌatio ndeskande koó nga kamáxo̱ngò:

² «Achichí kjo̱a̱ni̱ma̱ je ikitjatiójne̱ ndeskande koó nga kjindíjne̱, ta̱nga kji̱e̱ niꞌánchajajínjne̱.

³ Nga̱xtonjne̱ katsꞌénꞌoón kondraa̱, ¡achichí tsie tsatiee̱ nínga katsꞌénꞌónjne̱, xikó maá ndi̱yà xí bokján xota̱ xi bokján nangii̱!

⁴ Ta̱nga kixi̱ boá Néná kó kuí boá xi katsꞌéndéjne̱ ngi̱ya tsja xota̱ xi ꞌniú ndajiín».

⁵ ¡Nga niꞌánchaja, ko̱jo nga niꞌánkjaꞌa kjo̱a̱soboá ngayeje xota̱ xi chꞌoo̱ na̱xi̱ńdáꞌniú Jerusale̱n!

⁶ ¡Nga xíꞌniú xikó maá kꞌijñá xí maxchá nkꞌaa̱ ngo ndiꞌa!

⁷ Kui xotaa̱ xikónií kꞌijñá xí machjiénjiín xota̱ xi botiee̱, ko̱jo xota̱ xi foaꞌátikoó.

⁸ Kjiꞌanga foaꞌa, jmíjín xi tsꞌentínde, kó tsi chji̱a̱ nga tsꞌentínde, nde jmíjín xi chji̱a̱jo.