Xo̱jo̱n Salmoo̱ 128 - Xo̱jo̱n eén Néná

Néná tsꞌénchíkonñé xtín xota̱ xi ngo ndiꞌaa̱

¹ ¡Néná tsꞌénchíkonñé ngayeje xota̱ xi ntꞌiéꞌeén, ko̱jo xi fítji̱ngi kjo̱a̱bokoyaá!

^2-3 Tsi kui nii̱ tiniꞌín ji, Néná achichí tsie sa̱ꞌínchikonñeé. Ki̱a̱ ndiꞌàa̱ xi̱ni̱ ji nichinie, ko̱jo tsjatsꞌèn si̱ꞌinkjìn jí ni xi si̱ꞌin nga si̱ꞌinxé. Achichí ndí kꞌuieé chjóo̱n. ¡Xikó maá ngo én tostsi̱je̱è ka̱ma! Jmí ni̱xtjin xcha̱ja nichinie nga̱són yámíxa̱a̱, kó ndíi̱ ka̱maxchá xikó maá tsi yá olibo̱.

⁴ ¡Bo̱a̱ tsꞌén tsꞌénchíkonñé Néná, ngayeje xota̱ xi ntꞌiéꞌeén kuí!

⁵ ¡Néná ngatsꞌénchíkonñé ndeskande na̱ngo̱xi̱i̱ ki̱a̱ na̱xi̱ Sioo̱n! ¡Ngatamaye ji nga nda ko̱e̱je̱e̱ na̱xi̱ńdáꞌniú Jerusale̱n ngayeje ni̱xtjin nga ku̱i̱ndyin ji!

⁶ ¡Néná ngatsjandieè nga xchi̱e̱ ji nga ka̱maxchá ndíi̱ ko̱jo ndíndée̱! ¡Ngatꞌieé kjo̱a̱xió xota̱ Israee̱l!