Xo̱jo̱n Salmoo̱ 127 - Xo̱jo̱n eén Néná

Ndíná boá ngo ni xi ta̱ katsjáná Néná

Só xi katsꞌénda Salomoo̱.

¹ Tsi Nénájín xi tjítsꞌénda kui ndiꞌaa̱, ta̱kjo̱a̱ndaní nga ndyi̱tsꞌènxá kuí chji̱ni̱e̱xo̱ó xi ndyi̱tsꞌèndaa̱. Tsi Nénájín xi konda na̱xi̱ńdáꞌniuú, ta̱kjo̱a̱ndaní nga ku̱i̱ndyiáńjñaá yojoo̱ já xí kondaa̱.

² Ta̱kjo̱a̱ndaní nga ta̱jñó ku̱i̱stjíe̱njnú, ko̱jo tsi sájín tsjayójofejnú, ko̱jo tsi ꞌniú si̱ꞌanxájnú, tsi̱ꞌe̱ nga kꞌuiéjnú nichinie, kjiꞌanga Néná xí tjoó ngo xota̱ ndatsi kjiꞌifé nga tsjaá.

³ Ndí xí tjínná, kuí boá ngo ni xi ta̱ katsjáná Néná. Ndí xí beꞌé ínchjiín, kuí boá xi kjo̱a̱niꞌánchikonñé xi katsjáná Néná.

⁴ Ndí xí ꞌbeé ínchjiín kjiꞌanga sꞌe̱ kjindí, kuí boá xi xikoó yáyojó xi tsꞌénkjién ngo nda̱jun.

⁵ Xota̱ xi kjín ndí tjiín, ka̱ma bo̱a̱ ka̱tso̱ nga Néná tsie kjo̱a̱niꞌánchikonñé katsjaá. Jmí kjo̱a̱soboá kꞌuiéjiín, kjiꞌanga kꞌo̱xiéꞌá yojoo̱ ngindyi̱ko̱n xota̱ xi kondraa̱.