Xo̱jo̱n Salmoo̱ 126 - Xo̱jo̱n eén Néná

Kjo̱a̱ndasee̱n kjo̱a̱tsja kamá

¹ Kjiꞌanga Néná katsꞌénkjindibá nginíjne̱ ndeskande Babilonia̱, ngaskande Jerusale̱n, kiniꞌánkjójne̱ nga ta̱ chi̱ni boá xi kjiboeꞌéjne̱.

² Ndso̱ꞌbajne̱ jatjoo̱ kjo̱a̱mojnó, ko̱jo só xi tsjatsó. Ngaskande xota̱ na̱xi̱ńdá xí ngasee̱ bi̱ katsó: «Ja̱koxi̱ boá nga achichí fíndikónná ni xi katsꞌén Néná ngandaa̱ kui xotaa̱».

³ ¡Kó ni xi katsꞌén Néná nganda tsa̱ji̱n, nga ja̱koxi̱ achichí nga kijíndikónjne̱, kó achichí kjo̱a̱tsja katsjájne̱ kuí nii̱!

⁴ Ji Ne, te̱ꞌéndiè nginí ji̱n nga nda ku̱i̱ndyionjne̱, xikótsꞌèn boeꞌé nginíi̱ nangi kixií nga ꞌbeé nginií xo̱ngàndántꞌié.

^5-6 Kui ndándyíkon xi kachjatjónjne̱, kjiꞌanga ikꞌítji̱e̱jne̱ xojmaá, kuí boá xi ka̱ma kjo̱a̱tsjajne̱, kjiꞌanga ku̱i̱chájne̱ to ndso̱ko̱a̱n ṉño̱paa̱n.