Xo̱jo̱n Salmoo̱ 124 - Xo̱jo̱n eén Néná

Néná ngatsjéni̱xtjin nga bosikójojne̱

¹ Tsi asíko̱jojínjne̱ Néná, mí ni xi kamájne̱ tsobo̱a̱. ¡Ngayeje xotaa̱ ki̱a̱ Israee̱l jè yàjne̱!

² Tsi asíko̱jojínjne̱ Néná kjiꞌanga ngayeje xota̱ nga̱sondiee̱ askjanjo̱jne̱,

³ kiniꞌánkjiéra̱jne̱ ngayejejne̱, ngatꞌa̱ kondra̱jne̱ achichí ꞌniú je katsꞌénxchánjo̱jne̱.

⁴ Kamáraa̱ katsꞌénkjiéjne̱, xikó má maá ndáfoaa̱ ndejeèꞌ kjiꞌanga fotjoxie ndi̱ya̱à kó fítjiboajo̱ ngayeje ni xi sakoó nínga foaꞌa,

⁵ xikó maá ndáfoa ndie xi ngayeje nii̱ tsꞌénkjátsón.

⁶ ¡Si̱ꞌantsjàa̱ Néná, ngatꞌa̱ kuí boá xi katsjandièjín nga kui xota̱ xi ꞌniú ndajiín katsꞌénxi̱jne̱ nga iskjiniejne̱ katsaki!

⁷ ¡Jè kiniꞌánxi̱ chja̱ya̱ xi íjñá! ¡Jè jatjongijne̱ yojojne̱ xikoó ni̱siee̱!

⁸ ¡Kui xi katsꞌénda nkꞌa jàn ko̱jo nga̱sondiee̱ asíko̱jojne̱ nga jatjongijne̱ yojojne̱!