Xo̱jo̱n Salmoo̱ 122 - Xo̱jo̱n eén Néná

¡Ngatꞌié kjo̱a̱xió na̱xi̱ńdáꞌniú Jerusale̱n!

Só xi katsꞌénda Ndabii̱.

¹ Achichí tsjá kamána nga bi̱ kiꞌmína: «¡Tjián na̱ngo̱xi̱i̱ Néná!»

² Ji na̱xi̱ńdáꞌniú Jerusale̱n, ¡kꞌi̱e̱ tindyionjne̱! ¡Jè jáchójne̱ nga̱ntjo̱a̱ jèe̱!

³ Na̱xi̱ńdáꞌniú Jerusalee̱n, ¡kamánda tsi̱ꞌe̱ nga ki̱a̱ ka̱matikó xota̱ na̱xi̱ńdá Israee̱l!

⁴ ¡Ngaskande nínga tindyin ji fochó xota̱ tji̱e̱e̱, ngayeje xota̱ tji̱e̱ xi chji̱a̱ni Israee̱l! ¡Ngaskande nínga tindyin ji fochó xota̱ na̱xi̱ńdaá tsi̱ꞌe̱ nga sa̱ꞌíntsjaá Néná, xikó má katsó kuí nga atíxoma!

⁵ Ki̱a̱ nínga tindyin ji síndo ngi̱ndie nínga ma jeé xotaa̱, ki̱a̱ nínga tindyin ji tikón ndo̱bo̱a̱xa̱á Ndabii̱.

⁶ Ta̱ngatꞌanii̱ jí boá, nga bi̱ tsꞌén chjiáꞌájne̱ Néná: «¡Ngatꞌieé kjo̱a̱xió na̱xi̱ńdáꞌniú Jerusale̱n! »¡Ngatꞌieé kjo̱a̱xió xota̱ xi tjoó ji!

⁷ ¡Ki̱a̱ ngi̱yaa̱ xó xí tjíchjáꞌyáni ji, ko̱jo ngi̱yaa̱ ndo̱bo̱a̱xáa̱, ngatꞌié kjo̱a̱xió ko̱jo nda ngatꞌíndo xotaa̱!»

⁸ Mejénna nga kꞌuieé kjo̱a̱xió ntsꞌié án, ko̱jo ndichjá án.

⁹ Kó ji na̱xi̱ńdáꞌniú Jerusale̱n, mejénna nga nda ka̱maa̱, ngatꞌa̱ ki̱a̱ nínga tindyin ji tikón na̱ngo̱xi̱i̱ Nejne̱.