Xo̱jo̱n Salmoo̱ 121 - Xo̱jo̱n eén Néná

Néná boá xi tsꞌénkoón

¹ Nínga síndo na̱xi̱i̱ skotsijen an, ñá kji̱ndi̱báni xi ko̱síko̱jona.

² Néná boá xi kji̱ndi̱bákasikójona, kui xi katsꞌénda ndiꞌakꞌajmii̱ ko̱jo tꞌanangii̱.

³ Néná jmíni̱xtjin tsja̱ndiè nga ngo ni xi ndajín ka̱maa̱. Néná koo̱n ji, kó jmíni̱xtjin fofé.

⁴ ¡Néná koón xota̱ na̱xi̱ńdá Israee̱l, kó jmíni̱xtjin fofé!

⁵ Néná boá xi tsꞌénkoón, Néná ngatsjéni̱xtjin nga ki̱a̱ tikóntꞌaa̱.

⁶ Nga ni̱xtjii̱n sa̱ꞌínchjánjiín ndoboaá, kó nga jñoó jmí ni sa̱ꞌínjiín saá.

⁷ Néná boá xi skoón, kó kꞌo̱xiéꞌaá kjo̱a̱a̱ ngayeje ni xi ndajiín.

⁸ Néná boá xi skoón ngotꞌe̱, ko̱jo ngatsjéni̱xtjin ta̱ nínga kꞌuín jí.