Xo̱jo̱n Salmoo̱ 120 - Xo̱jo̱n eén Néná

¡Xín ti̱ꞌinkjeꞌéní xota̱ xi ndisoo̱!

¹ Ji Ne, kjiꞌanga nda̱ kjimana, ji chjiaá, kó niꞌínsénní.

² Ji Ne, ꞌna̱xiéꞌéní kjo̱a̱a̱ xota̱ xi ndisoo̱, ꞌna̱xiéꞌéní kjo̱a̱a̱ xota̱ xi ꞌboṉcha̱a̱.

³ ¡Achichí nga ndajín ka̱majnú jún xota̱ xi ndiso! ¡Néná ko̱tíjéjnú!

⁴ ¡Yá yojó xi tjítokó ndiꞌí ko̱si̱e̱njnú, xikoó xi bosién já xí kjaán!

⁵ ¡Xi̱xꞌi̱a̱n xò án! ¡Jmíjínna ngo na̱xi̱ńdá nínga chjiá an, ki̱a̱ tikónjìi̱n xota̱ xi síndo ngindie kꞌijñá jàn!

⁶ ¡Achichí tsie je kisꞌijñajìi̱n xota̱ xi chꞌoo̱ kjo̱a̱xioó!

⁷ Achichí xió fotsoꞌbá an, ¡ta̱nga ta̱soboá kjo̱a̱a̱ kjo̱a̱xchán boá ni xi chji̱a̱, tji̱e̱nga an ta̱soboá kjo̱a̱a̱ kjo̱a̱xió boá ni xi chjiá an!