Xo̱jo̱n Salmoo̱ 114 - Xo̱jo̱n eén Néná

Nga katsꞌén xota̱ Israee̱l

¹ Ndeskande ni̱xtjin nga xota̱ Israee̱l jatjoni nangi Ejipto̱, kui na̱xi̱ńdá xi kje̱ꞌeé,

² Néná jaꞌájin nangi Jundáa̱ nínga íjñá na̱ngo̱xi̱i̱. Kuí boá xi atíxoma Na̱xi̱ńdá Israee̱l.

³ Ndáchíkoón nga kamábe xota̱ Israee̱l tsakjanga, kó ngo ndi̱yà xí kixí yején, kó ndejèꞌ Jorndaa̱n tsanganijíngí ndáfoaa̱,

⁴ na̱xi̱i̱ ko̱jo tji̱ngi̱i̱ iskjínkꞌá má xikoó ngo ndií cho̱tsa̱nga̱.

⁵ Mí xí kamaá ndáchíkón. Ánní nga kachjéxꞌée̱ ndi̱yà. Mí xí kamaá ndejèꞌ Jorndaa̱n. Ánní nga kꞌinnijíngí kon ji.

⁶ Kó jún, na̱xi̱ ko̱jo tji̱ngi̱, ánní nga kichíkjinkꞌájnú xikoó ngo ndií cho̱tsa̱nga̱.

^7-8 Ji tꞌanangi, ¡ngatjatsié má ji ngindyi̱ko̱n Néná! Kuí boá xi ndáńchꞌi̱ katsꞌén ngo ndi̱jo̱je. ¡Kuí boá xi Nee̱ xota̱ Israee̱l!