Xo̱jo̱n Salmoo̱ 113 - Xo̱jo̱n eén Néná

Kjo̱a̱ndaxota̱a̱ Néná

¹ ¡Si̱ꞌantsjàa̱ Néná! Jún xi ndaꞌyáꞌénjnúu̱ Néná, ¡ti̱ꞌantsjàjnúu̱!

^2-3 ¡Ngatsjéni̱xtjin ngatamachikonñé Néná! ¡Ti̱ꞌantsjàjnúu̱ ta̱jmì chi̱bo̱a̱ní! ¡Ti̱ꞌantsjàjnúu̱ ngotꞌe̱, ko̱jo ngatsjéni̱xtjin!

^4-6 Néná nkꞌa jàn tsꞌénbotixómá, kó ndeskande ki̱a̱ tsꞌénkotsijee̱n nkꞌajmii̱ ko̱jo tꞌanangii̱. Néná bokó ngaꞌniuú nga botixómaá ngayeje na̱xi̱ńdaá. ¡Jmíjín xi kjo̱chótji̱ngi Néná!

⁷ Xota̱ xi ni̱ma̱ ko̱jo xi ni̱ma̱kjo̱a̱a̱ ꞌboxiéjinni kjo̱a̱ni̱ma̱ xi ndyi̱foaꞌatio,

⁸ kó ngo ngi̱ndie xi yandikón ꞌbíndo, ki̱a̱ ngi̱jii̱n xota̱ xi yandikoón.

⁹ Kui ínchjín xi jmí ndí ꞌbéjiín, jó kjo̱a̱tsja tsjaá: ¡tsjaá nga na̱an ma, kó tsjaá nga ꞌbeé ngo ndiꞌa! ¡Si̱ꞌantsjàa̱ Néná!