Xo̱jo̱n Salmoo̱ 112 - Xo̱jo̱n eén Néná

Néná tsꞌénchíkonñé xota̱ xi ndaa̱

¹ ¡Si̱ꞌantsjàa̱ Néná! ¡Néná tsꞌénchíkonñé xota̱ xi tsꞌéntsjaà kui, ko̱jo xi tsja maa̱ nga tsꞌénkjátjosón kjo̱a̱botíxomaa̱!

² Xota̱ tji̱e̱e̱ xota̱ xi kixi̱i̱ boá xi ko̱tíxoma na̱xi̱ńdaá, kó ngatsjéni̱xtjin nga ka̱machikonñé.

³ Achichí tsie kjo̱a̱cho̱n kꞌuieé ndiꞌaa̱, kó ngatsjéni̱xtjin nga kui xi sa̱ꞌín ngi̱yaa̱ kjo̱a̱kixi̱i̱.

⁴ Kó nga kuí boá xi ndaxota̱, xi kixi̱, ko̱jo xi tjiín kjo̱a̱chiyákjo̱a̱, kuíni nga kui xi ko̱ko̱ó ndi̱yà xota̱ xi kixi̱i̱, kuí boá xi ka̱ma xikoó ngo ndiꞌí xí tí nínga jñoó.

⁵ Xota̱ xi ndaa̱ achichí ndaxota̱ ma: tsꞌénkíyaà to̱n xota̱ xi míyaá, kó achichí kixi̱ tsꞌén xá xí tsꞌén.

⁶ Xota̱ xi ndaa̱ ngatsjéni̱xtjin nga nda má ni xi tsꞌén, kó ngatsjéni̱xtjin nga ndatsꞌèn niꞌánkjaꞌátsjien.

⁷ Jmí ni̱xtjin nga tsakjón má kjiꞌanga ngo ni xi ndajín ku̱i̱ntꞌiè, ngatꞌa̱ Néná boá xi kjimaꞌniákón ngayeje ini̱ma̱a̱.

⁸ Jmí kjo̱a̱jín nga tjín ni xi nda̱ ka̱maa̱, ti̱nde jmí kjo̱a̱jín nga tjín ni xi stsa̱kjonní, ngaskande jè tsꞌenkjó má nga kui xi je katsꞌeén ngayeje kondra̱a̱.

⁹ Ngatsjéni̱xtjin nga bosikójo xota̱ xi ni̱ma̱a̱, achichí tsjá maá nga bo̱a̱ tsꞌén, ngayeje ni xi tsꞌén, nda fotjoo̱, kó tsja maa̱ nga kjininkꞌá kje̱n.

¹⁰ Kjiꞌanga xota̱ xi ꞌniú ndajiín be kui nii̱, tsꞌénxchán, kó ngaskande kjinieya má ṉꞌni̱u̱, ta̱nga nga fetꞌakjo̱a̱ tsꞌénchájá yojoo̱. ¡Ni xi ꞌbínda xota̱ xi ꞌniú ndajiín, ngatsjéni̱xtjin nga fe kjo̱a̱!