Xo̱jo̱n Salmoo̱ 110 - Xo̱jo̱n eén Néná

Néná tsjaá ngaꞌniú ree̱

Só xi katsꞌénda Ndabii̱.

¹ Néná bi̱ katsoó nda̱ rejne̱: «Kꞌi̱e̱ ti̱ndyintꞌení nínga kixi̱i̱ ngi̱ndie nínga botixoma an, ngaskande nga sa̱ꞌinchaja an kondra̱a̱».

² ¡Néná nga tsjandieè nga si̱ꞌìi̱n kondra̱a̱, kó nga tsꞌentsié ngase ngi̱ndie nínga ko̱ti̱xome ji ndeskande kꞌi̱e̱ Jerusale̱n ngataꞌanii̱!

³ ¡Jájúu̱n ngatsjaá tsꞌoa nga ka̱ma ka̱maꞌnítakín ji ki̱a̱ nga̱són na̱xi̱i̱ Néná kui ni̱xtjin nga ka̱ma kjo̱a̱xcha̱án! Kjiꞌanga kjo̱tjo tsꞌueé, ngasakó ngaꞌniú nginií.

⁴ Néná jè katsjá tsꞌoa, kó sa̱ꞌínkjatjosón eén: «Jí boá xi chináꞌmi ji ngatsjéni̱xtjin, xikoó xi kamá Melkisendee̱k».

^5-6 Néna ki̱a̱ tikón nínga kixi̱i̱, kó ngatsjéni̱xtjin ko̱síko̱joo̱. Kjiꞌanga ko̱kó kjo̱a̱xcha̱án Néná, tsja̱nié já ree̱ ko̱jo xota̱xá xí botixómaá, kó ko̱tíjeé na̱xi̱ńdaá, kó ngayeje nga̱sondiee̱ nga sꞌi̱ńdotikó ini̱ma̱.

⁷ Kó ki̱a̱ tꞌa ndi̱ya̱à, nda̱ ree̱ xi̱xió xíndaá nga kꞌuí ndáfoaa̱ xo̱ngàndántꞌieé, kó bo̱a̱ tsꞌén nga sa̱kó ngaꞌniú nginií.