Xo̱jo̱n Salmoo̱ 100 - Xo̱jo̱n eén Néná

¡Te̱ꞌéjnúu̱ ndokꞌóchjì Néná!

¹ Ngayeje jún xota̱ xi tjín nga̱sondiee̱, chaꞌayàjnúu̱ Néná nga tsjangatꞌiéjnú.

² ¡Tsjangatꞌiéjnú nga si̱ꞌansenjnúu̱ Néná! ¡Tsjangatꞌiéjnú nga kji̱ndi̱bájnú ngindyi̱ko̱n!

³ Cha̱ndikónjnú nga kuí boá xi Néná, kuí boá xi katsꞌéndaná, kó kuí ndokjo̱a̱ ñá. Ñá boá xi xota̱ na̱xi̱ńdaá kui má, ñá boá xi cho̱tsa̱nga̱ xi tsi̱ꞌe̱ xi tindyión kꞌijñaá kui!

⁴ Ti̱tjásꞌi̱e̱njnú nínga tikón nga̱ntjo̱a̱ Ndiꞌandikoón, ¡kó ti̱ꞌantsjàjnúu̱ nga ku̱i̱tjásꞌi̱e̱njnú ndi̱tsee̱n! Te̱ꞌéjnúu̱ ndokꞌóchji̱ì, kó ti̱ꞌantsjàjnúu̱ jaꞌeén.

⁵ Ngatꞌa̱ ndaxota̱ Néná, kó ngatsjéni̱xtjin nga tjiín kjo̱a̱ni̱ma̱takón, kjo̱a̱tjoó jmíni̱xtjin sa̱síkjo, kó kjo̱a̱ꞌniátakoón ta̱kjiꞌání nga kꞌuijñá.