Xo̱jo̱n Salmoo̱ 1 - Xo̱jo̱n eén Néná

Xota̱ xi kixi̱i̱ ko̱jo xota̱ xi ndyi̱tsꞌèn jeé

¹ Achichíra̱tsjaa̱ kui xi ki̱a̱jín ndyi̱fítji̱ngi kjo̱a̱botíxomaa̱ xota̱ xi ndajiín, ko̱jo xi ki̱a̱jín katsꞌénkamajo̱ ndi̱yà xí tjimá xota̱ xi ndyi̱tsꞌènjeé, ko̱jo xi ki̱a̱jín nijan ndyi̱tsꞌénkamajo̱ xota̱ xi ndyi̱mojnókie Néná.

² Kui xi ta̱sá kjo̱a̱kitii̱ Néná xi achichí tsjá maá, kó nga ni̱xtjin ni̱xtji̱e̱n ndyi̱kjitꞌoyá kui eén.

³ Kui xotaa̱, kuí boá xi ka̱ma xikoó ngo yá xí tjítji̱e̱tꞌa ngo ndejèꞌ xi tsꞌénmonga, kui xi ni̱xtjii̱n má nga boajaá to xi tsjá, kó xíꞌniújín xka̱a̱. ¡Kó ngayeje ni xi tsꞌén, nda maá!

⁴ Ta̱nga xota̱ xi ꞌniú ndajiín, bo̱a̱jín maá kui, ¡kuí boá xi bo̱a̱ maa̱ xikoó xtjié xí fíjo̱ tjo̱o̱!

⁵ Kuíni nga ni̱xtjin nga ka̱majeé, ngiti̱ kjo̱stjíe̱njín xota̱ xi ndajiín, ¡kó xota̱jeé ki̱a̱jín nijan ka̱matikó nínga síndo xota̱ xi kixi̱i̱!

⁶ Ngatꞌa̱ Néná jè be ndi̱yà nínga ndyi̱fí xota̱ xi kixi̱i̱, ta̱nga ndi̱yà nínga ndyi̱fí xota̱ xi ndajiín, ki̱a̱ boá nínga xcha̱ja.