Xki̱ 34 - Xo̱jo̱n eén Néná

Tsindioó nangii̱

¹ Néná bi̱ tsꞌén atíxomaa̱ Moisee̱:

^2-12 «Bo̱a̱ tꞌíi̱n xota̱ Israee̱l nga kuí bí kui ngi̱ndiee̱ xi tsindió ka̱manii̱ ki̱a̱ nangi xi an tsjàa̱: »Tsindió xí chji̱a̱ni xtji̱e̱e̱n na̱ngi, tꞌa nangi kixií nangi Sii̱n, ko̱jo nangi nínga síndo xota̱ tji̱e̱e̱ Endoo̱n kuí bí xi̱ꞌbi̱: ki̱a̱ ꞌbítsꞌi̱yani xtji̱e̱e̱n nínga fotjo tsꞌueé, nínga fe ndáchíkón kꞌiee̱n, kó ki̱a̱ fí ngase kui ngi̱ndiee̱ xtji̱e̱e̱n na̱ngi ngaskande Kandee̱-Barnea̱, bitja tji̱ngi̱ xi chji̱a̱ni Akrabii̱n ko̱jo xtji̱e̱e̱n Sii̱n. Ki̱a̱ Kandee̱-Barnea̱ fíngaseni xtji̱e̱e̱n Asaa̱r-Andaa̱r, ngaskande nga fóchó Asmoo̱n. Kósꞌe̱ ki̱a̱a̱ foaꞌatjiyani xtji̱e̱e̱n xo̱ngàndántꞌieé nangi Ejipto̱, kósꞌe̱ ki̱a̱ kju̱i̱e̱tꞌani nínga tikón ndáchíkón Menditerráneoo̱. »Tsindió xí chji̱a̱ni xtji̱e̱e̱n nínga ꞌbosꞌien tsꞌueé: kuí boá xi fí nga̱ndee̱ ndáchíkón Menditerráneoo̱. »Tsindió xí chji̱a̱ni xtji̱e̱e̱n ta̱ꞌin, kuí bí xi̱ꞌbi̱: ki̱a̱ ꞌbítsi̱yani ngo ndi̱yà xí kixi̱ nínga tikón ndáchíkón Menditerráneoo̱, ngaskande nínga tikón na̱xi̱ Oo̱r. Kó ki̱a̱ na̱xi̱ Oo̱r fí ndojó ngaskande nínga bitjasꞌi̱e̱nnii̱ nangi Amaa̱t, kósꞌe̱ ki̱a̱, ngaskande Sendaa̱nd. Sꞌe̱ kui tsindioó fí ndojó ngaskande nangi Sifroo̱n, kósꞌe̱ ki̱a̱ fetꞌani Asaa̱r-Enaa̱n. »Tsindió xí chji̱a̱ni xtji̱e̱e̱n nínga fotjo tsꞌueé, kuí bí xi̱ꞌbi̱: ki̱a̱ ꞌbítsꞌi̱yani ndeskande Asaa̱r-Enaa̱n, ngaskande Sefaa̱n. Kósꞌe̱ ki̱a̱a̱, ngaskande Riblaa̱ fochó, kui ngi̱ndie xi tikón xtji̱e̱e̱n nínga fotjo tsꞌueé Aii̱n. Sꞌe̱ jaskan kui tsindioó ko̱e̱je̱jaya tꞌa ngi̱ndiò Kineree̱t xtji̱e̱e̱n nínga fotjo tsꞌueé kui ngi̱ndiee̱, kó fí ngase xtji̱e̱e̱n nínga tikón ndejèꞌ Jorndaa̱n, ngaskande nga fochó nínga tikón Ndáchíkón Kꞌieèn».

Kótsꞌèn ka̱makabi tꞌanangii̱

¹³ Moisee̱ bi̱ katsoó xota̱ Israee̱l: «Kuí bí kui tꞌanangii̱ xi Néná sa̱ꞌínkabisoón xi ngi nijan masien tji̱e̱e̱ xota̱ Israee̱l xi ngasee̱. Nga ngo nga ngo sa̱ko̱ó ngi̱ndie xi tsoboaá, xikótsꞌèn kjo̱tjo kui kjo̱a̱chꞌáṉchaa̱.

^14-15 Xota̱ tji̱e̱e̱ Rubee̱n, ko̱jo xota̱ tji̱e̱e̱ Ngaa̱nd ko̱jo xi ngi masien xota̱ tji̱e̱e̱ Manasee̱ jè kasakoo̱ nangii̱ xi ingoboaá ndejèꞌ Jorndaa̱n, ki̱a̱ kje̱n na̱xi̱ńdáꞌniú Jerikoo̱».

¹⁶ Kó Néná bi̱ katsoó Moisee̱:

¹⁷ «Chináꞌmi Eleasaa̱ ko̱jo Josuee̱ boá xi sa̱ꞌínkabi nangii̱.

^18-29 Kó chjiéngá ku̱i̱chji̱a̱a̱, tsi̱ꞌe̱ nga ko̱síko̱jo, kui já ngito̱ko̱o̱ xota̱ tji̱e̱e̱ xi̱ꞌbi̱: Kalee̱b, xi chji̱a̱ni xota̱ tji̱e̱e̱ Jundáa̱, Samuee̱, xi chji̱a̱ni xota̱ tji̱e̱e̱ Simeoo̱n, Elindaa̱nd, xi chji̱a̱ni xota̱ tji̱e̱e̱ Benjaa̱, Bukii̱, xi chji̱a̱ni xota̱ tji̱e̱e̱ Ndaa̱n, Aniee̱l, xi chji̱a̱ni xota̱ tji̱e̱e̱ Manasee̱, Kemuee̱l, xi chji̱a̱ni xota̱ tji̱e̱e̱ Efraii̱n, Elisafaa̱n, xi chji̱a̱ni xota̱ tji̱e̱e̱ Sabuloo̱n, Palatiee̱l, xi chji̱a̱ni xota̱ tji̱e̱e̱ Isakaa̱r, Ayiuu̱d, xi chji̱a̱ni xota̱ tji̱e̱e̱ Asee̱r, ko̱jo Pendaee̱l, xi chji̱a̱ni xota̱ tji̱e̱e̱ Neftalii̱».