Matioo̱ 1 - Xo̱jo̱n eén Néná

Kuí bí xi̱ꞌbi̱ xi xota̱ tji̱e̱ xi yaꞌanii̱ Jesukristoo̱

¹ Kuí bí xo̱jo̱n nínga kjitꞌa jaꞌeén xota̱ tji̱e̱ xi chji̱a̱ni Jesukristoo̱, kui xi xota̱ tji̱e̱e̱ Ndabii̱, kó Ndabii̱ ndií Abraa̱n.

² Abraa̱n na̱ꞌmii̱ Isaa̱, kó Isaa̱ na̱ꞌmii̱ Jako̱b, kó Jako̱b, na̱ꞌmii̱ Jundáa̱ ko̱jo ntsꞌi̱e̱.

³ Kó Jundáa̱ na̱ꞌmii̱ kó na̱ Tamaa̱r na̱aa̱n Faree̱ ko̱jo Saraa̱, kó Faree̱ na̱ꞌmii̱ Esroo̱n, kó Esroo̱n na̱ꞌmii̱ Araa̱n.

⁴ Kó Araa̱n na̱ꞌmii̱ Aminandaa̱b, kó Aminandaa̱b na̱ꞌmii̱ Naasoo̱n, kó Naasoo̱n na̱ꞌmii̱ Salmoo̱n.

⁵ Kó Salmoo̱n na̱ꞌmii̱ kó na̱ Raa̱b na̱aa̱n Boo̱, kó Boo̱ na̱ꞌmii̱, kó na̱ Ruu̱t na̱aa̱n Obee̱nd, kó Obee̱nd na̱ꞌmii̱ Isaii̱.

⁶ Kó Isaii̱ na̱ꞌmii̱ re Ndabii̱, kó re Ndabii̱ na̱ꞌmii̱ Salomoo̱ xi na̱an kamaá chjo̱ón Uriyaa̱.

⁷ 14 Kó Salomoo̱ na̱ꞌmii̱ Roboa̱n, kó Roboa̱n na̱ꞌmii̱ Abiyaa̱, kó Abiyaa̱ na̱ꞌmii̱ Asaa̱.

⁸ Kó Asaa̱ na̱ꞌmii̱ Josafaa̱t, kó Josafaa̱t na̱ꞌmii̱ Joraa̱n, kó Joraa̱n na̱ꞌmii̱ Usiyaa̱.

⁹ Kó Usiyaa̱ na̱ꞌmii̱ Jotaa̱n, kó Jotaa̱n na̱ꞌmii̱ Akaa̱, kó Akaa̱ na̱ꞌmii̱ Esekiyaa̱.

¹⁰ Kó Esekiyaa̱ na̱ꞌmii̱ Manasee̱, kó Manasee̱ na̱ꞌmii̱, kó Amoo̱n na̱ꞌmii̱ Josiyaa̱.

¹¹ Kó Josiyaa̱ na̱ꞌmii̱ Jekoníaa̱ ko̱jo ntsꞌi̱e̱, ni̱xtjin nga tsangínjo̱ xota̱ xi chji̱a̱ni Israee̱l nangi Babilonia̱.

¹² Kó ngije tsangínjo̱ nangi Babilonia̱ Jekoníaa̱, na̱ꞌmi kamánii̱ Salatiee̱l, kó Salatiee̱l na̱ꞌmii̱ Sorobabee̱l.

¹³ Kó Sorobabee̱l na̱ꞌmii̱ Abiuu̱, kó Abiuu̱ na̱ꞌmii̱ Eliakii̱n, kó Eliakii̱n na̱ꞌmii̱ Asoo̱r.

¹⁴ Kó Asoo̱r na̱ꞌmii̱ Sandoo̱k, kó Sandoo̱k na̱ꞌmii̱ Akii̱n, kó Akii̱n na̱ꞌmii̱ Eliuu̱nd.

¹⁵ Kó Eliuu̱nd na̱ꞌmii̱ Eleasaa̱, kó Eleasaa̱ na̱ꞌmii̱ Mataa̱n, kó Mataa̱n na̱ꞌmii̱ Jako̱b,

¹⁶ kó Jako̱b na̱ꞌmii̱ Kosiee̱, xi̱ꞌii̱n na̱ Riyaa̱, na̱aa̱n Kristoo̱.

¹⁷ Bo̱a̱ tsꞌén ngayeje tji̱e̱e̱ xota̱ xi yaꞌanii̱ ndeskande Abraa̱n, ngaskande Ndabii̱ tienijón tji̱e̱e̱ xota̱ ma. Ndeskande Ndabii̱ ngaskande nga ikiyotji̱ngii̱ xota̱ Babiloniaa̱, ti̱ tienijón tji̱e̱e̱ xota̱ ma nga. Kó ndeskande nga ikiyotji̱ngii̱ xota̱ Babiloniaa̱, ngaskande nga katsen Kristoo̱, tienijón tji̱e̱e̱ xota̱ ma nga.

Bi̱ tsꞌén katsen Jesukristoo̱

¹⁸ Bi̱ kamá nga katsen Jesukristoo̱: Na̱ Riyaa̱, na̱aa̱n Kjisoo̱, ja̱bo̱a̱ jé índa nga Kosiee̱ ku̱i̱xanjo̱, ta̱nga ngindiee̱ nga kꞌuíndojo̱ xkjín, kamábe nga A̱si̱énni̱xtjii̱n Néná ngo ndí jè katsjaá.

¹⁹ Kó Kosiee̱ nda̱ xi ka̱ma xi̱ꞌii̱n na̱ Riyaa̱, ngo nda̱ xi kixi̱ kamá, kó kamámejénjiín nga kjo̱a̱soboá tsja̱á ngindyi̱ko̱n xotaa̱. Kó katsꞌénkjó nga ta̱ ꞌma ꞌma ku̱i̱ꞌíjñá.

²⁰ Ta̱nga tji̱e̱nga tjítsꞌénkjó kuí nii̱, ngo ndítsjiee̱ Néná tsíchji̱a̱jo ngi̱jin ńjñá jàn, kó bi̱ katsoó: –Kosiee̱, ji xi xota̱ tji̱e̱e̱ Ndabii̱, ngata̱ ndakinjín má ji nga ku̱i̱xenje̱ ji na̱ Riyaa̱, chjóo̱n, ngatꞌa̱ ndí xí yaꞌa, A̱si̱énni̱xtjii̱n Néná boá xi katsjaá.

²¹ Kó na̱ Riyaa̱ ngo ndí kꞌuieé, kó KJISO̱ kuítꞌe jaꞌén, ngatꞌa̱ kuí boá xi kꞌo̱xiéꞌá xota̱ na̱xi̱ńdaá kjo̱a̱a̱ jé xí ndyi̱tsꞌèn.

²² Ngayeje kui nii̱ kamá tsi̱ꞌe̱ nga kjo̱tjosón ni xi katsó Néná nga katsóyaà nda̱ chji̱ni̱e̱ꞌe̱én Néná, kjiꞌanga bi̱ katsó:

²³ Ngo tsa̱kjìn xo̱ngò ndí ko̱a̱ꞌa̱, kó ngo ndí kꞌuieé, kó Emanue̱l si̱tꞌa jaꞌén. Néná tikónjo̱ná, tsó kui eén.

²⁴ Kó nga jaꞌaá Kosiee̱, katsꞌén ni xi katsoó ndítsjiee̱ Néná, kó ixánjo̱ chjo̱ón.

²⁵ Kó nde kji̱e̱ foyojojo̱jín xkjín nga kisꞌiee̱ ngo ndí na̱ Riyaa̱, kui xi KJISO̱ ítꞌajaꞌén.