Joo̱b 25 - Xo̱jo̱n eén Néná

Xi ma jaán ndi̱yà nga tsíchji̱a̱ Bilndaa̱nd

¹ Kó Bilndaa̱nd, nda̱ xi chji̱a̱ni nangi Súaa̱j, bi̱ katsó:

² «Achichí ngaꞌniú tjiín Néná nga ngaskande tsꞌénkjátsiéndíkón máná. Néná boá xi tsꞌén nga ꞌbé kjo̱a̱xió nkꞌa jàn.

³ A tjín xí ka̱maa̱ ku̱i̱ꞌíxki̱ xtín jájuún. A tjín xí sa̱ꞌíntsijenjiín ndiꞌií tsꞌueé.

⁴ ¡Ngindyi̱ko̱n Néná nde ngojín xi ka̱maa̱ ko̱kó nga jmíjéjiín! Nde ngojín xota̱ nga̱sondiee̱ xi tsjie.

⁵ Ngindyi̱ko̱n Néná ti̱nde saá ꞌna̱jín, ti̱nde ńñoo tsjiejín,

⁶ ¡akja̱ꞌmíra̱ xota̱ nga̱sondiee̱ xi chjínií, xi ta̱ chi̱ndo tsí bo̱a̱!»